Apnakarachi Submissions

Zalim aur Mazloom

Owner: humara_malik
Hits: 250
Rating: 0.00
Created: 2008-03-17 18:56:01

Submit review Recommend Contact Owner Report Owner's listing

Rating

0 vote

Favoured:

Aksar logon ko zulm aur ziyad’ti ke bare mein bolty suna mager kuch kerty nahi dekha. Wo tamam log jo kuch kerny ki himmat nahi rakhty sirf rony dhoony per hi iktifa kerty hain, lakin kiya takleefein sirf ginwa deny se kum ho jati hain? Kiya insane her ziyad’ti ke bad ye sooche ke in ko sehny ka aadi kese bana jaye? Jin logon mein kuch kerny ki himmat aur taakat hoti hay wo apni mazloomiyat ka roona nahi roty.

Soochne wali bat to ye hay ke hamary ma’ashry mein zalim pehly banty hain ya mazloom?

Koi bhi shakhs peydaishi zalim ya mazloom nahi hota balke jab be-shumar log apni susti aur kahili ki waja se apny hakook ganwa bethty hain to doosry log ji ko ye lawaris asaa’sa para mil jata hay wo is per apna hak jatany lagty hain. Aur yoon baad mein ye hasil ker leny waly zalim aur ganwany waly mazloom ban jaty hain. Jis shakhs ko aik martaba ashiya cheen’ni aa jain to wo bar bar ye hi koshish kerta hay ke bagair mehnat ke gasab ker ke hi kam chala liya jaye aur phir ye uss ke liye lahe-amal ban jata hay zindagi guzarny ka.
Dosri taraf ashiya ko apni be-wakoofi se ganwa deny waly iss ko bad-kismati ke zimry mein likh ker aainda ke liye bhi har kisam ki mehnat aur koshish se bari-uz-zimma ho jaty hain.

Insane ki puri zindagi aik jung ki manind hay musalsal jung!!!!!
Jis ka koi ikhtitam nahi, hannn! har bar hadaf badal jata hay.
Aur kisi bhi jung ko humein sirf larna hi nahi hay balke jeetna bhi hay aur jeet ke liye shart hay HIMMAT, LAGAN, KOSHISH aur JUSTAJO. Phir iss mein shamil karain apny kirdar ki pukhtagi yani SABER, SABIT-KADMI aur MUSTAKIL MIZAJI to duniya aur aakhirat ki har bazi hum ser ker sakty hain.

Zalim ko zulm kerna mazloom hi sikhata hay iss liye kisi ke liye bhi itna meetha bhi nahi ban’na chahiye ke wo aap ko kha hi jaye aur na hi itna kerwa ban’ein ke wo thook de balke mayana-rawi ikhtiyar kerni chahiye. Kabhi bhi kisi ko jaga deny ke liye apna aik paoon bhi peeche na hatain werna samny wala apna doosra paoon bhi aagey lay aaye ga.
Apny nuksan per kisi dosry ka faida insaniyat ya ikhlak nahi balky be-wakoofi hay ba-shart ye ke aap ke faisly mazhabi aur ma’asharti aitabar se durust hoon. Kisi ki be-ja himayat ke liye khud ko takleef mein dalna sara ser himakat hay aur himakat Ashraful-Makhlookat ka shewa nahi ho saki.

Apny kandhoon per utna hi boojh uthao jitna tum utha sako baki Allah Tala per choor do. ( Al-quran)

Reviews (0)

Be the first to review this listing!