Apnakarachi Submissions
Human Asset (insani asa'sa)
- Owner
- humara_malik
- Hits
- 267
- Votes
- 2
- Rating
- 5.00
- Created
- 2008-04-07 11:46:45
Kiya insan ka ma’al o daulat? Insan ka wajood? Ya phir insan ki sooch aur uss ka zahan? Kisi insan per guzarny waly mukhtalif hallat mein insani asa’sa mukhtalif mehsoos hota hay. Jab insan kisi ma’ali mushkil mein ho to uss ka ma’al o daulat uss ko sanbhal leeta hay. Jab insan kisi zahni intashar mein mubtila ho to uss ka zahan, uss ki sooch uss ko mufeed mashware de sakti hay aur zahir hay ke kisi bhi jismani zaroorat mein uss ka wajood uss ke kam aa sakta hay. Lakin ager insan manfi khayalat ka hamil ho to duniya ki koi bhi takat uss ka asa’sa sabit nahi ho sakti.
Kabhi kisi mazoor shakhs ki himmat aur phurti dekh ker mujh ko apna wajood aik bojh ki tarah mehsoos hone lagta hay, ke shayad hum se ziyada na-shukra aur kahil koi aur na ho ke hum to uss Raab ki di hoi naimatoon se mustafeed hona bhi nahi jante. Hum kis tarah ki ashraful makhlookat hain jo apni takat ko hi nahi pehchante aur hamari asal takat hamara jism nahi balke hamari sooch aur hamara musbit khayalat rakhne wala zahan hay.
Insan ke jism ka koi bhi hissa ager na-kara ho jaye to bhi uss ki zindagi mushkil to shayad ho mager behtareen ho sakti hay. Lakin aik gandy aur manfi khayalat rakhny waly zahan ke sath zindagi ka tasaw’wer nihayat hol-nak hay. Insani dimag ki musbit aur pakeeza sooch insan ko mujas’sim khoobsurat bana deti hay aur insani dimag ki gandagi hamari rooh aur hamary chehroon tuk se ayan ho jati hay. Is liye be-shak jism dagdar ho lakin zahan ko dagdar hone se bachany ki koshish kerni chahiye.
Meri nakis raye mein wo tamam awamil jo hamary zahan ki behtareen nashonuma ker sakty hein wo kuch iss tarah hein ke;
1. Khud ko kabhi mazloom sabit kerny ki koshish na karein.
2. Loogon se kabhi tawak’kuaat wabasta na karein balky sirf Allah se hi umeed lagain her mushkil mein surkharu hony ke liye.
3. Kabhi apny hakook ki bat na karein balky apny faraiz per nazar rakhein.
4. Her wakt seekhny ke amal ko jari rakhein.
5. Apne deen ki mukamil samajh boojh hasil kerne ki koshish karein.
Hamein hameesha yad rakhna chahiye ke hum jis maashry ka hissa hein wahan se ager hum kuch hasil hony ki umeed rakhty hein to kuch deny ka hosla bhi hum mein hona chahiye. Jeeb mein jub tuk ikhlaq aur ma’amla fahmi ka sikka na ho tub tuk insan aik bagair duum aur bagair seengh ka janwer hi hay. Bus Allah Tala se ye hi dua hay ke hamara jism chahy la-chaar ho lakin dimagi la-chaari se bari majboori shayad hi koi aur ho is liye hamein sihat mand dimag ata kare aur uss ke musbit istamaal ki bhi taufiq de.
AAMEEN
Reviews (2)
u r absolutely right n i think k pehle hume apni islah karni chahea.hum dosro ki buraion r ghaltion ka sochte rehte hain.u have given a moral lesson.Allah hum subko seedha raste pe chalne ki taufeeq de.
aap ny logon ki tawajh achi simit dilwai hai .khas ker ye k hum sochen tu sahi hum apna assasa samjhty kisy hain .aur ye bhi bohat hi achi bat hai k manfi khyalat k malik insan ki taqat dunya ki koi chese nahi ho sakti .
Results 1 - 2 of 2
Sell your treasures at our Sale section to get the best price in town. .gif){kind=small}
Try your luck on our online selection of games jo slow bandwidth per bhi chal jaingay!
Find the nearest shopping centres from mobile malls to huge super-markets..gif){kind=small}
List of famous Hotels, Restaurants and franchises.