Apnakarachi Submissions

Haray Khawaab

Owner: subhakitalash
Hits: 87
Rating: 0.00
Created: 2007-04-12 18:18:11

Submit review Recommend Contact Owner Report Owner's listing

Rating

0 vote

Favoured:

Darya parbat, phool, prinday
Jungle, sabza, churkh, chrinday?"

Mein bikhrey mahol ka wehshi
Hunstey bustey sehraon mein
Dharti ke dukh chhaan raha hoon!
Is koochey se us busti tak
Is meidaan se us choti tak
Zakhmon ko pehchaan raha hoon!

Kitney darya sookh chukey hain?
Kitney darya sookh rahey hain?

Kub se zard hawas ka wehshi haryali ko notch raha hai
Dharti karrhyal perh ganwa kar lamha lamha cheeekh rahi hai
Punkh pakhero rafta rafta hijrat mein dum torh rahey hain
Hersoo reingtey shehronki aabadi ab woh zalim ghun hai
Jis ne jungle chaat liye hain
Ab insaan who tiddi-dull hai jis se sehra bhi dartey hain

Is andher se pehley kiya tha?
Is andher se aagey kiya hai?

Door nahen jub mosam apney mehwar se hut jaaenge
Door nahen jub aag uthey gi sookhey piyasey khalyanon se
Door nahen jub barf ki dunya husti se mitt jaaegi
Uthta sager, nehtey saahil, gharq jazeerey?
Us andher se pehley aao
Kaan laga kar dharti ki faryaad sunein!

Sach-cha jog harey sapnonka
Sach-chi maala?

"Darya parbat, phool, prinday
Jungle, sabza, churkh, chrinday?"

Mein bikhrey mahol ka wehshi
Hunstey bustey sehraon mein
Dharti ke dukh chhaan raha hoon!

Reviews (0)

Be the first to review this listing!