Apnakarachi Submissions

aavaargi

Owner: asimurooj
Hits: 165
Rating: 0.00
Created: 2008-04-25 13:37:01

Submit review Recommend Contact Owner Report Owner's listing

Rating

0 vote

Favoured:

Phirtay hain kab se dar_ba_dar ab is nagar ab us nagar
Ek doosray ke ham_safar main aur meri aavaargi
Na-aashnaa har rah_guzar Na meharban har ek nazar
Jaayein to ab jaayein kidhar main aur meri aavaargi

Ham bhi kabhi aabaad thay aisey kahan bar_baad thay
Be-fikr thay aazaad thay masroor thay dil_shaad thay
VO chaal aisi chal gayaa ham bujh Gaye dil jal gayaa
Niklay jalaa ke apanaa ghar main aur meri aavaargi

VO maah-e-vash VO maahro VO maah-e-kaamil ho-ba-ho
Thein jis ki baatein ko_ba_ko us se ajab thi guftagoo
Phir yoon hova VO kho gai aur mujh KO zid si ho gai
Laayeige us KO Dhoondh ker main aur meri aavaargi

Ye dil hi tha Jo seh Gaya VO baat aisi keah Gaya
Kahney KO phir kya rah Gaya ash-kon ka dariya beh Gaya
Jab keah kar VO dil_bar Gaya teray liye main mar Gaya
Rotey hain us KO raat bhar main aur meri aavaargi

Ab Gam uthaayen kis liye ye dil jalaayen kis liye
Aansoo bahaayen kis liye yoon jaan gavaayen kis liye
Peshaa Na ho jis kaa sitam Dhondhenge ab aisa sanam
Honge kahin to kaar_gar main aur meri aavaargi

Aasaar hain sab khot ke imkaan hain sab chot ke
Ghar band hain sab ghoth ke ab khatm hain sab totkey
Qismat ka sab ye khel hai andher hi andher hai
Aise Hovey hain be_asar main aur meri aavaargi

Jab ham_dam-o-ham_raaz tha tab aur hi andaaz tha
Ab soz hai tab saaz tha ab sharm hai tab naaz tha
Ab mujh se ho to ho bhi kya hai saath vo to vo bhi kya
Ek be-hunar ek be-samar main aur meri aavaargi

Reviews (0)

Be the first to review this listing!