Apnakarachi Submissions

Dewaney loog

Owner: asimurooj
Hits: 64
Rating: 0.00
Created: 2008-05-26 16:03:03

Submit review Recommend Contact Owner Report Owner's listing

Rating

0 vote

Favoured:

Kia janey kal kia ho ga ye kehtey hain dewaney loog
apney watan k dunya main sab suntey hain afsaney loog

Ik taraf doulat ka sumander or kahin qatra bhi nahi
is ko khismat keh kar dekho bantey hain anjaney loog

Mehlon main har rooz hain khaney baher janta bhooki hey
atey ko bhi taras rahey hain galeeon main dewaney loog

Bhook,gharibi,dukh,bimari,k c sisakti zeest hey ye
apney gham peney k leay jatey hain mekhaney loog

Josh k hathoon hosh ganwa kar apna hi nukhsan kia
phoonktey hain apney hi hathoon sey apney kashaney loog

Merey watan kia tujh sey kahain ab kia kuch apney sath howa
sab kuch jal kar rakh hoa to ponhchey aag bujhaney loog

Galian jin ko detey hain per hath wahin phelatey hain
qhomi gherat ki maiaat ko jain kahan dafnaney loog

Kuch to jaber ko sehtey hain per kuch khamoosh nahi rehtey
niklain gey akhir galeeon main jalney ko dewaney loog

Reviews (0)

Be the first to review this listing!