Apnakarachi Submissions

kissi din......!!!

Owner: insecurestar
Hits: 72
Rating: 0.00
Created: 2008-07-10 09:23:10

Submit review Recommend Contact Owner Report Owner's listing

Rating

0 vote

Favoured:

khud apne liye beth k sochen ge kissi din
aise hi tujhe bhool k dekhen ge kisi din
bhatke hue phirte hain kaii lafz jo dil main
dunya ne dia waqt to likkhen ge kissi din
mil jaen ge ik bar to arshon k dar-o-baam
yeh khak nasheen log jo bolen ge kissi din
aapas ki kissi bat ka milta hi nhai waqt
her baar yeh kehte hain k bethen ge kissi din
Ay jaan! teri yaad k benaam parinde
shakhon pe mere dard ki utren ge kissi din
jaati hai kissi jheel ki gehraii kahan tak?
aankho main teri doob k dekhen ge kissi din
khushboo se bhari sham, jugnu k qalam se
ik nazm tere waaste likkhen ge kissi din
soen ge teri aankh ki khilwat main kissi din
saae main teri zulf k jagen ge kissi din
khushboo ki tarha misl-e-saba khaak numa se
gallion se tere shehr ki guzren ge kissi din
Amjad yehi hai ab, k kafan bandh k sir se!
uss shehr-e-sitamgar main b jaen ge kissi din

Reviews (0)

Be the first to review this listing!